Дэлхийн тойрог замд нам дор нислэг хийж, улмаар саран дээр хүнтэй буух зориулалттай "Starship" сансрын хөлгийн найм дахь туршилт өнөөдөр /2025.03.07/ амжилтгүй болж, сансрын хөлөг 150 км-ийн өндөрт байх үедээ холбоо тасарсан байна.
Харин "Starship" сансрын хөлгийг зөөгч Super Heavy пуужин АНУ-ын Техас муж дахь Starbase хөөргөх талбайд аюулгүй газардсан байна. Тодруулбал, энэхүү төсөл "Super Heavy" пуужин болон "Starship" сансрын хөлөг гэсэн хоёр үе шатаас бүрдэж байгаа бөгөөд Элон Маскийн SpaceX-ийн сансрын нислэгийн түүхэн дэх хамгийн том төсөл юм.
Энэ талаар SpaceX-ийн төлөөлөгч “Бид үнэхээр хөлөг онгоцтой холбоо тасарсан" гэжээ.
Пуужин хөөргөх үеийн видео бичлэгээс харахад сансрын хөлөг 146 км-ийн өндөрт буюу хөөрснөөс хойш 9 минутын дараа агаарт эргэлдэж, түүнээс оч гарч, улмаар холбоо тасарсан байна. Өдгөө ослын шалтгааныг тодруулахаар ажиллаж байгаа ажээ.
Эх сурвалж: BBC
ВИДЕО:
ВИДЕО: Саран дээр хүнтэй буух зориулалттай "Starship" сансрын хөлгийн найм дахь туршилт амжилтгүй болжээ https://t.co/DUnXdXuoiD pic.twitter.com/xHJnGJYWjs
— iSee.mn (@iSee_MN) March 7, 2025
