Монголын мөсөн сурын холбооноос 100 сая төгрөгийн шагналын сантай “ЛИГ” харваа зохион байгуулах талаар өнөөдөр /2025.01.21/ мэдээлэл хийлээ.
ВИДЕО:
Монголын мөсөн сурын холбоо үйл ажиллагаагаа эрхлээд 17 дахь жилийнхээ нүүрийг үзэж байна. Жил бүр бид улсын аварга шалгаруулах тэмцээнээ зохион байгуулдаг бөгөөд 2024 оны тэмцээн уралдаанд шилдэг 16-д шалгарсан багуудыг “Лиг” буюу магнай багуудын тойргийн тоглолтын тэмцээнийг 2025 онд зохион байгуулахаар шалгаруулж аваад бэлтгэл ажилдаа ороод явж байна. Хамгийн гол нь, мөсөн сурын харваа, нум сум харвааны зүйлээр монголд болон дэлхийд “Лиг” тойргийн тоглолтыг анх удаа зохион байгуулах гэж байна. Тойргийн тэмцээнд оролцох багуудын алсын хараа, үндсэн зорилго нь дэлхийд олон улсад гаргах, өвлийн олимпод оруулахад түлхэц нэмэр болгох, орчин цагийн спортын соёлд өөр өнцгөөр, өөр өнгө аясаар оролцохыг зорьж байна. Түүнчлэн харваачдын нийгмийн баталгаа, амьдрал ахуйд анхаарч байгаа учраас анх удаа 100 сая төгрөгийн шагналын сантайгаар зохион байгуулж байна.
