Өмнөд солонгос /БНСУ/-ын Зэвсэгт хүчний тагнуулын ажилтнуудыг өнгөрсөн сарын сүүлчээр Монгол Улсаас баривчилж, эх оронд нь буцаасан талаар тус улсын "N news" хэвлэлд мэдээлжээ.
Өмнөд Солонгосын уг тагнуулын ажилтнуудыг Хойд солонгос /БНАСАУ/-оос Монгол Улсад суугаа Элчин сайдын яамтай холбогдохоор монголд ирээд байхад нь манай тагнуулын газрынхан баривчилсан гэж мэдээлсэн байна. Харин тэдний даалгавар нь дайны байдлыг зөвтгөх үндэслэлийг баталгаажуулах "Букпунгийн ажиллагаа"-тай холбоотой байх магадлалтай байгаа аж. Учир нь Өмнөд Солонгост дайны байдал зарлахаас 10 орчим хоногийн өмнө тагнуулын ажилтнуудыг Монгол Улс руу илгээсэн бөгөөд саяхан тагнуулын командлагч асан Но Сан Воны тэмдэглэлийн дэвтэрээс "Хойд Солонгосыг NLL (Хойд хязгаарын шугам) довтлоход өдөөх нь" гэсэн бичиг олдсон байна.
Тус улсын цэргийн албан тушаалтны хэлснээр, “Өнгөрсөн сарын сүүлчээр Тагнуулын газрын дэд хурандаа А, хошууч Б нар Монгол Улсын нийслэл Улаанбаатар хотод томилолтоор явсан. БНСУ-аас Монгол Улсад суугаа Элчин сайдын яам, Хойд Солонгосын Элчин сайдын яам хоёр Улаанбаатар хотод байрладаг. Тэдний даалгавар бол Хойд Солонгосын элчин сайдын яамтай холбогдох байсан. Таггнуулын газрын дарга хурандаа С энэ ажиллагааг удирдаж байсан бөгөөд түүний хянасан бизнес аялалын тайланд "Хойд Солонгосын Элчин Сайдын Яам"-ыг ажиллагааны бай гэж тодорхой бичсэн байсан" гэжээ.
Дэд хурандаа А, хошууч Б нарын даалгавар бол Хойд Солонгосын орон нутгийн элчин сайдын яамтай холбоо тогтоох явдал байсан боловч бодит харилцааны түвшинд хүрээгүй бололтой.
Учир нь тэрээр орон нутгийн мэдээлэгч гэж таамаглаж байсан Монголын төрийн албан хаагчтай уулзах үеэрээ Монголын тагнуулын байгууллагад ил болсон байна. Тэднийг аялал жуулчлалын улирал буюу өвлийн дунд сарын дундуур жуулчны визээр орж ирснийхээ дараа ямар ч зорилгогүй төрийн албан хаагчидтай байнга уулзаж буйг Монголын тагнуулын байгууллага хардаж, улмаар баривчилсан гэж мэдээлжээ.
Эх сурвалж: N news
