Азийн шатрын холбооны ерөнхийлөгч Шейх Султан бин Халифа Аль Нахъяан Монголын шатрын холбооны ерөнхийлөгчөөр сонгогдсон, ЕТГ-ын дарга Г.Занданшатарт баярын мэндчилгээ илгээжээ.
Захидалд шатрын холбооны ерөнхийлөгчөөр сонгогдсонд нь баяр хүргэж, Азийн шатрын гэр бүлд халуун дулаанаар хүлээн авч буйгаа илэрхийлсэн байна. Азийн шатрын холбоо болон Монголын шатрын холбооны хамтын ажиллагааг үргэлжлүүлэн улам нягтруулна гэдэгт найдаж байгаагаа Халифа Аль Нахъяан захидалдаа онцлон тэмдэглэжээ. Г.Занданшатарыг Монголын шатрын холбооны удирдлагад нэр дэвшихэд Олон улсын шатрын холбоо дэмжиж байгаагаа илэрхийлж байсан билээ.
