Эх орныхоо хөгжлийн голомт байх эрхэм зорилго дор нэгдэн хамтдаа үнэ цэн бүтээж буй 2,800 гаруй ажилтандаа зориулан Голомт банк шинэ оноо хайртай, дотны хүмүүстэйгээ өнгөрүүлэх боломжийг бүрдүүлж, 1-р сарын 2-нд цалинтай амралт олгохоор боллоо.
Байгууллагын тогтвортой үйл ажиллагаа, хөгжил дэвшлийн үндэс, суурь болсон ажилтнууддаа нийгэм, ахуйн хөнгөлөлтийн олон хөтөлбөрийг хэрэгжүүлдэг бөгөөд ажилтны төрсөн өдрийн цалинтай амралт, хүүхдийнхээ төрсөн өдрөөр цалинтай чөлөө авах боломжтой байдаг бол энэ удаа ажлын нэг өдрийг цалинтай амралтын өдөр болгож байгаа нь ажилтнуудынхаа хувь хүний хөгжилд цаг зарцуулах, гэр бүлийн баярыг тэмдэглэн өнгөрүүлж, дурсамж бүтээхэд дэмжлэг болох юм.
Голомт банк Монгол Улсад хөгжил дэвшил авчрах бүтээн байгуулалтыг өрнүүлэх, бизнес эрхлэгчдийг чадавхжуулах, үйлдвэрлэлийг нэмэгдүүлэх, нийгэмд сайн сайхныг авчрах үйл ажиллагааг дэмжин ажилласаар ирсэн бөгөөд улирч буй 2024 онд түүхэн мөр, тод амжилтаа бататгах үйл явдлаар өрнүүн жилийг үдэж байна. Энэхүү амжилт бүрийн ард хөдөлмөрлөж буй эрхэм хамт олныхоо банкны салбарын хөгжилд оруулсан хувь нэмрийг нь үнэлэн 26 ажилтнаа “Шилдэг ажилтан”-аар алдаршуулан тус бүр 10 сая төгрөгөөр урамшуулж, 75 ажилтнаа гадаад руу аялах эрхээр шагнасан юм.
Ирж буй амжилт бүтээлийн хэлхээ, хамтдаа бүтээх дараагийн шинэ жилийн хөгжил дэвшлийн хуудсыг хамтдаа эргүүлэх Голомт банкны хөгжлийн голомт болсон эрхэм ажилтнууддаа талархал илэрхийлье!
Ажилтан та – Хөгжлийн голомт
.jpg)
