Худалдаа хөгжлийн банкнаас 2 сая ам.доллар залилсан Б.Бямбадорж нь шүүх хурлын өмнө дахин оргон зайлсан учир эрэн сурвалжилж эхэлсэн талаар бид өмнө нь мэдээлсэн билээ.
Тэгвэл Б.Бямбадоржийн өнөөг хүртэл олоогүй эрэн сурвалжилсан хэвээр байгаа аж. Хэдийгээр Б.Бямбадоржийг олоогүй, эрэн сурвалжилж байгаа ч түүнд холбогдох хэргийг шүүх хурлын урьдчилсан хэлэлцүүлгийн хурал товлогдсон байна.
Тодруулбал, Худалдаа хөгжлийн банкнаас 2 сая ам.доллар залилсан Б.Бямбадорж нарт холбогдох хэргийн урьдчилсан хэлэлцүүлэг энэ сарын 27-ны /2024.12.27/ өдөр Сүхбаатар дүүргийн Эрүүгийн хэргийн анхан шатны шүүхэд болохоор товлогджээ. Эх сурвалжийн мэдээлж буйгаар тухайн хэрэгт прокуророос яллах дүгнэлт үйлдэж, хэргийг шүүхэд шилжүүлсэн бөгөөд хэргийг түдгэлзүүлэхгүйн тулд шүүх хурлыг товлон явуулсаар байгаа гэх мэдээлэл байна.
