Сурагчдын улирлын амралт эхэлж буйтай холбогдуулан Тэрэлж болон Скай ресорт цанын бааз руу өнгөрсөн амралтын өдрөөс нийтийн тээвэр явж эхэлсэн.
Тэрэлж рүү том хүн 2300, хүүхэд 1200 төгрөгөөр зорчих бол Скай ресорт цанын бааз руу том хүн 1000, хүүхэд 500 төгрөгөөр зорчих юм. Гэвч өнөөдөр Скай ресорт цанын бааз руу автобус явахгүй аж. Учир нь тус цанын бааз өнөөдөр дотоод ажилтай тул ажиллахгүй гэдгээ мэдэгдсэн байна. Цанын бааз маргаашаас өдөр бүр 10-22 цагийн хооронд хэвийн ажиллах бөгөөд мөн хугацаанд нийтийн тээвэр олон нийтэд үйлчлэх юм.
