"СU" сүлжээ дэлгүүрийн худалдагч охинд хутга тулгаж дээрэмдсэн хэрэг гарсан байна. Тодруулбал, хутгатай этгээд худалдагчид хутга тулган кассан дахь бүх мөнгө, цахилгаан тамхинууд, гар утсыг нь дээрэмдсэн байгаа юм. Тус хэрэг явдлыг харуулсан камерын дүрс бичлэг ч олон нийтийн сүлжээнд нийтлэгдээд буй.
Тодруулбал, дүрс бичлэгт "цагаан өнгийн гадуур хувцастай бага насны болов уу гэмээр хүүхэд CU сүлжээ дэлгүүр дотор байрлуулсан сандал дээр сууж байгаа нь харагдах бөгөөд түүний гар нь шивээтэй байх аж. Ингээд удалгүй гэмт этгээд нэгэн эмэгтэйг сүрдүүлж, газарт суулгаж байгаа нь харагдах" ажээ. Тэгвэл бид өнөөдөр цагдаагийн байгууллагаас уг хэргийг тодруулахад, " СU-д гарсан дээрмийн хэрэг илэрч, холбогдогчийг саатуулан шалгаж байна" гэсэн юм. Харин энэ талаар "CU" сүлжээ дэлгүүрээс ямар нэгэн мэдэгдэл гаргаагүй байна.
ВИДЕО:
