Өчигдөр /2024.12.12/ шатрын дэлхийн аваргын төлөөх халз тоглолтын 14 дэх өрөгт Энэтхэгийн их мастер Гукеш Доммаражу Хятадын. тамирчин Динг Лиренийг хожсоноор шатрын спортын түүхэн дэх хамгийн залуу дэлхийн аварга боллоо.
Тодруулбал, 1985 онд Оросын их мастер Гарри Каспаров дэлхийн аварга цолыг хүртэхдээ 22 настай байсан бөгөөд отгон дэлхийн аварга Гукеш Доммаражу энэ жил 18 настай юм. Түүнчлэн Ченнай хотоос гаралтай Доммаражу 12 настайдаа их мастер цол хүртэж, шатрын ертөнцөд дуулиан тарьж байжээ.
