Шанхайн мажорын плей-оффын шат өнөөдөр /2024.12.12/ эхэллээ. Дэлхийн шилдэг 24 баг оролцсон уг тэмцээнд шилдэг найман баг тунаж үлдээд байсан бөгөөд Монголын "The MongolZ" баг Ази, Номхон далайн бүс нутгаас ганцаараа үлдсэн нь түүхэн амжилт болсон билээ.
Тэгвэл өнөөдөр "The MongolZ" баг 14:00 цагаас Европ тивийн төлөөлөл, дэлхийн чансааны 6-д жагсаж буй "MOUZ" багтай тоглож, 2:00 харьцаагаар ялагдал хүлээлээ. Ингэснээр тэдний түүх бүтээсэн Шанхайн мажорын аялал өндөрлөж, 45 мянган ам.долларын шагнал хүртлээ.
