Монголд кураш бөхийн өсвөр, залуучууд, мастеруудын дэлхийн аварга шалгаруулах тэмцээн маргааш буюу /2024.12.04/ -ий өдөр эхэлнэ.
Тодруулбал хоёр өдөр үргэлжлэх тус тэмцээнд 34 орны 270 орчим тамирчин оролцохоор мэдүүлэг өгч, манай улсад ирээд байна. Мөн кураш бөхийн ДАШТ-ийг манай улс 17 жилийн дараа эх орондоо дахин хийж буй бөгөөд 2007 онд насанд хүрэгчдийн дэлхийн аварга шалгаруулах тэмцээнийг зохион байгуулж байсан аж. Харин энэ удаа өсвөр үе, залуучуудын ес, ахмадын гурав удаагийн дэлхийн aварга шалгаруулах тэмцээн Монголд болж байна. Түүнчлэн манай улсад кураш бөхийн спорт хөгжөөд 30 жил болсон бөгөөд жүдотой төстэй хэр нь гар нь гартайгаа, хөл нь хөлтэйгөө барилддаг дүрэмтэй аж.
