Монголын волейболын холбооны үндэсний дээд лигийн 2024-2025 оны улирлын "Бүх оддын тоглолт" арванхоёрдугаар сарын 1-ний өдөр буюу энэ Ням гаригт Степпе аренад болно.
Монголын волейболын баяр гэж хэлж болохуйц энэ өдөр лигийн шилдгүүд нэг баг болж өрсөлдөхөөс гадна ур чадвараа уралдуулж, олон сонирхолтой байдлаар аваргуудаа тодруулж, мөн холимог оддын тоглолт болно. Урлаг, спорт, нийгмийн алдартнуудаас бүрдэх энэхүү тоглолтод оролцох багуудын нэрс тодорч, тамирчдаа хуваарилжээ. Энэ жилийн хувьд багуудыг "Marvel" болон "DC" гэж хоёр хуваасан бөгөөд "Marvel" багийн онцлох тоглогч гэвэл Фантастик продакшны жүжигчин М.Баярбат. Харин "DC" багт улсын аварга О.Хангай багтаж байгаа юм байна.
