ХӨСҮТ-ээс Томуу, томуу төст өвчний нөхцөл байдал, урьдчилан сэргийлэх тухай мэдээллийг өнөөдөр /2024.11.22/-ий өдөр хийлээ.
ХӨСҮТ-ийн вирус судлалын лабораторийн эрхлэгч Ц.Наранзул, “Өнгөрөгч 46 долоо хоног буюу арван нэгдүгээр сарын 11-17- ны хугацааны тандалтын мэдээллийг хүргэж байна. Уг тандалт судалгаагаар амьсгалын замын өвчин авсан хүмүүсээс 78,8 хувьд нь ямар нэгэн амьсгалын замын вирус илэрчээ. Өмнөх долоо хоногтой харьцуулбал 1,8 хувиар нэмэгдсэн байгаа аж. Үүнээс харахад томуугийн дэгдэлт ихсэж байгаа юм. Томуу томуу төст өвчин нь хөдөө орон нутаг даяар алаг цоог буюу идэвхжилтийн түвшинд байна. Нийт бүртгэгдэж байгаа томуу томуу төст өвчний 57 хувь нь хөдөө орон нутаг үлдсэн хувь нь Улаанбаатарт бүртгэгджээ" гэлээ.
Эх хүүхдийн эрүүл мэндийн үндэсний төвийн эмч Ш.Энхтөр, “Харамсалтай нь аспирины тунг хэтрүүлэн хэрэглэснээр бөөр, амьсгалын замын өвчин цаашлаад амь насаа алдах тохиолдлууд ч их гарсан. Иймд иргэд эмийг тунгийн дагуу хэрэглэхийг хүсэж байна. Цэр ховхлох эмийг хүүхдийн унтах цагийг дөхүүлж өгч болохгүй. Мөн бага насны хүүхдүүдэд цэр ховлох эм эсрэг заалттай байдаг. Шингэн дутагдал усгүйжилтийн асуудал зөвхөн гэдэс гүйлгэх үед бус амьсгалын замын өвчнөөс болж орж болдог. Хүндээр өвдсөн хүн шингэн ууж чадахгүй болохоор шингэн дутагддаг. Үүнийг иргэд мэдэж байх ёстой. Шингэн дутахад ам хэл хуурайших, хэлний хөхлөг улайгаад тодорчихсон, арьс хуурайших шинэж тэмдгүүд бий. Түүнчлэн хүүхэд уйлах үед нулимс гарахгүй бол яаралтай эмнэлэгт үзүүлэх хэрэгтэй. Учир нь шингэний дутагдлын хүндэрсэн хэлбэр явагдаж байдаг" гэлээ.
ВИДЕО:
