Нийслэл Улаанбаатар хотын хувьд сүүлийн арав гаруй жил утаатай тэмцсээр одоог хүртэл арилгаж чадаагүй л байна. ДЭМБ-ын зөвшөөрөгдөх хэмжээнээс манай улсын утааны хэмжээ 150 дахин хэтэрч гамшгийн хэмжээнд хүрээд буй юм. Энэ нь хүний эрүүл мэндэд ноцтой нөлөөлж болохуйц үзүүлэлт аж.
Тодруулбал, нүүрстөрөгчийн дутуу исэл нь өнгө, үнэр, амтгүй хорт хий бөгөөд амьсгалаар амархан хүний биед орж CO нь цусны гемоглобинтой холбогдон карбоксигемоглобин үүсгэдэг. Энэ нь хүчилтөрөгч зөөх чадварыг саатуулж, эд эсийн хүчилтөрөгчийн дутагдалд хүргэж цаашлаад тархи болон зүрхний эд эсийн хүчилтөрөгчийн хангамжийг хязгаарлаж, амьсгалын сааталд хүргэж болзошгүй байдаг гэнэ. Мөн жирэмсэн эмэгтэйчүүд CO-т өндөр өртөх нь урагт хүчилтөрөгчийн дутагдал үүсгэж, хөгжлийн гажиг, зулбалт, дутуу төрөлтөд хүргэх хүртэл аюултай тулгарч болдгийг ДЭМБ-аас мэдээлээд байна. Тэгвэл энэ жилийн хувьд идэр есийн хүйтэн эхлэх болоогүй энэ үед өтгөн утаа агаарт дэгдэж урьд өмнө нь жилүүдээс нөхцөл байдал илүү хүндэрч амьсгалахад хүртэл хэцүү байгааг иргэд хэлж байсан юм. Тэгвэл иргэд утаанаас өөрсдийгөө хэрхэн хамгаалж байна, эрүүл мэндэд нь хэрхэн нөлөөлж буйг та бүхэнд тодруулан хүргэе.
ВИДЕО:
Утаа таны эрүүл мэндэд хэрхэн нөлөөлж байна. Та амны хаалт зүүж өөрийгөө хамгаалж байна уу?
Иргэд амны хаалт аа зүүгээд эхэлжээ. Гэвч настай болон зүрх судасны өвчтэй хүмүүсийн хувьд амны хаалт зүүж чаддаггүй, учир нь бачимдаж амьсгал давхцах мэдрэмж төрөөд хэцүү байдаг гэлээ. Түүнчлэн агаар сэлгэх гээд цонхоо нээх үед агаар биш утаа орж ирж байгаа нь эмгэнэл, хотын аль ч хэсэгт тэр ч бүү хэл машиныхаа агааржуулагчаа асаагаад явж байх үед утаа үнэртэж байна, яг хаана дүүрэн амьсгал авч болох вэ? Гэх асуултыг биднээс эргүүлэн асууж байлаа.
Мөн сургууль цэцэрлэгийн насны хүүхдүүдийн маань хувьд ханиад, хатгаа, амьсгалын замын өвчнөөс салахгүй байгаа бөгөөд улсаараа уушгины суурь өвчтэй болох ойрхон байгааг тэд хэлж байлаа. Мөн оройн цагаар хорин алхмаас цааш үзэгдэх орчин хязгаарлагдмал байгаа бөгөөд зарим иргэдийн хувьд сайжруулсан түлшинд хүнд мятал нэгдэл агуулдаг, үүнийг солих хэрэгтэй гэдгийг ч хэлж байсан юм.
Утааны хөнгөн хордлого нь (200 ppm) үед толгой өвдөх, амьсгал давчдах, дунд зэрэг хордлого (400 ppm)-ийн үед толгой эргэх, ухаан балартах, (800 ppm ба түүнээс дээш) үед хүнд хордлогод ордог тул ухаан алдах, нас баралт хүртэл үүсэж болзошгүй байна. Гэвч Улаанбаатар хотын өвлийн улирлын CO түвшин (600 µg/m³) нь хүний эрүүл мэндэд ноцтой аюул учруулах хэмжээ аж.
