АНЭУ-ын Дубай хотноо 4 жилд нэг удаа зохиогддог оюуны спортын хамгийн том тэмцээн болох "Memoriad 2024" World Mental Sports Olympics буюу оюуны олимпод Монгол, Америк, Герман, Солонгос, Япон, Энэтхэг, Их Британи, Австрали зэрэг дэлхийн 35 орны 180 тамирчин ой тогтоолт, цээж бодолтын 12 төрлөөр 3 өдрийн турш өрсөлдөж аваргуудаа тодрууллаа.
Манай улсын хувьд эх орноо төлөөлөн Монголын Оюун Ухааны Академийн цээж бодолт болон ой тогтоолтын нийт 16 тамирчин багш дасгалжуулагч Х.Хатанбаатар, Б.Баасандорж, Ө.Сэнгэсамдан, Д.Баяраа нарын хамт оролцож байна.
Мөн Өсвөрийн Ази тивийн Аварга, Их Мастер Ц.Номин-Эрдэнэ "Флаш тоо" төрөлд 312 оноогоор алтан медаль, Хоёр удаагийн Өсвөрийн Дэлхийн Аварга, Их Мастер Ц.Оюун-Эрдэнэ "Дуут цифр" төрөлд 175 оноогоор тус тус тэргүүлж ихэр эгч дүүс "Оюуны олимп"-ын ихэр аваргууд боллоо.
.jpg)
