Албанийн нийслэл Тирана хотод чөлөөт бөхийн U23 насны дэлхийн аварга шалгаруулах тэмцээн болж байна.
Тэмцээний эмэгтэйчүүдийн 53 кг-ын жинд Монгол Улсын тамирчин Чинболдын Отгонтуяа хүрэл медаль хүртсэн бөгөөд энэ амжилтанд хүрэх замдаа АНУ, Энэтхэг, Казахстаны бөхийг ялжээ.
Тэрбээр эхний тойрогт Энэтхэгийн бөх Хансика Ламбаг 12:2, хоёрдугаар тойрогт АНУ-ын бөх Элена Нойллег 10:8-аар ялж хэсгийн аваргын төлөөх барилдаанд Японы бөх Юү Сакамотод 4:4-өөр ялагдаж, хүрэл медалийн төлөөх барилдаанд Казахстаны бөх Зейнеп Баяановаг 12:2-оор ялсанаар U23 насны ДАШТ-ний хүрэл медалийн эзэн болов. Ч.Отгонтуяа нь Азийн АШТ-ээс алт, мөнгө, хүрэл медальтай ба насанд хүрэгчдийн УАШТ-ий алт, Монголын бүх ард түмний спортын наадмын алтан медальт тамирчин юм.
