Монгол Хаан жүжгийн график роман өнгөрсөн сард испани хэл дээр хэвлэгдэхээр болж, Испани болон Латин Америкийн орнуудын номын дэлгүүрүүдээр борлогдохоор болж байгаа тухай сайн мэдээ дуулгаж байсан. Үүний дараа уг роман нь энэ сарын 30 /2024.07.30/-ны өдөр Сингапур улсад албан ёсоор нээлтээ хийхээр болж, Монгол уран бүтээлчид маань Сингапур улсыг зорьсон талаар бид өмнө нь мэдээлж байсан.
Тэгвэл Монгол Хаан график роман Сингапур Улсад амжилттай нээлтээ хийжээ. Улмаар Кinokuniya-н бүх номын дэлгүүрүүдээр болон Сингапурын Amazon-р худалдаалагдаж байна. график романыг Сингапурын Times Distribution компани борлуулахаар болсон билээ.
Сануулахад, Энэхүү номын театрын бүтээл болох Монгол Хаан жүжиг ирэх аравдугаар сарын 17-ноос арваннэгдүгээр сарын 3 /2024.10.17-11.03/-ны өдрийг хүртэл гурван долоо хоногийн туршид Сингапурын алдарт Marina Bay Sands-н Sands Театрт Азийн нээлтээ хийх юм.
ФОТО:
