Монгол Ардчилсан холбоо /МоАХ/ ТББ-ыг олон жил Ерөнхийлөгч асан Х.Баттулга удирдаж буй. Тэрээр Монгол Улсын Ерөнхийлөгчийн албан тушаалыг хашиж байхдаа ч тус холбооны тэргүүний ажлаа үргэлжлүүлэн хийж, МоАХ ТББ-ын Яармагт байх газрыг “Пирамид орд” ХХК Хөгжлийн банкны барьцаанд тавьж зээл авахад нь ч зөвшөөрөл өгч, гарын үсэг зурсан байж болзошгүй гэдэг.
Товчхондоо, Ерөнхийлөгч асан Х.Баттулга МоАХ-ндоо Ардчилсан намын ахмадууд болон залуучуудыг нэгтгэж, тэдэнд орон сууц, төрийн одон медаль зэргийг өгч өөрийн улс төрийн фракцаа ч бий болгосон гэдэг.
Х.Баттулга Ерөнхийлөгчийн албан тушаалаас буудаг өдрөө МоАХ ТББ-ыг “Монгол Улсын баатар” хэмээх цол тэмдгээр шагнасан. Өдгөө тус байгууллага нь Сүхбаатар дүүргийн 11 дүгээр хороонд байрлах “Ардчиллын ордон” хэмээх байрандаа үйл ажиллагаагаа явуулдаг байна.
Тэгвэл саяхан Х.Баттулгын удирддаг МоАХ ТББ-ны Хэрэг эрхлэх газар /ХЭГ/-ын дарга Э.Эрдэнэцогт өөрийн хүсэлтээр ажлаа өгч, түүний ажлыг Т.Бат-Эрдэнэ авсан байна. Сонирхуулахад, Т.Бат-Эрдэнэ нь “Дэлхийн боловсролыг таны хүүхдэд” ТББ-аараа дамжуулж Монгол, Оросын хамтарсан 3 дугаар сургуулийг ОХУ-д шилүүлэх хэрэгтэй” гэсэн утгатай албан бичгийг УИХ-ын дарга Г.Занданшатар болон ОХУ-аас манай улсад сууж байсан элчин сайд К.Азизов нар руу явуулж байсан удаатай. Холбоотой мэдээг ЭНД ДАРЖ үзнэ үү.
