Ерөнхий сайд Л.Оюун-Эрдэнэ сүүлийн саруудад бодож явсныхаа дагуу хөдөлж, шинээр гурван сайд томилов. Өчигдөр /2023.01.05/ Удирдах зөвлөлийн хуралдааны дараа Засгийн газрын ээлжит бус хуралдаан болж УИХ-ын гишүүн Х.Булгантуяаг Боомтын сайдаар, С.Чинзоригийг Эрүүл мэндийн сайдаар, Ц.Даваасүрэнг Барилга хот байгуулалтын сайдаар томилсон.
Засгийн газрын хуралдааны үеэр Ерөнхий сайд Л.Оюун-Эрдэнэ Эрүүл мэндийн сайд асан С.Энхболдод маш их талархсанаа хэлж чин сэтгэлээсээ амжилт хүсчээ.
Тодруулбал тэрбээр "С.Энхболд сайдыг ковидын хүнд үеийг даван туулсан, эрт илрүүлгийг амжилттай хэрэгжүүлж яваа" зэргийг дурджээ.
