УИХ-ын чуулганы хуралдаанаар “Зөвлөлдөх зөвлөлийн бүрэлдэхүүнийг батлах тухай” Улсын Их Хурлын тогтоолын төслийг хэлэлцэв. Энэ үеэр УИХ-ын гишүүн П.Анужин "Улс орны болох, бүтэхгүй асуудлыг ард түмний оролцоотойгоор хэлэлцэж тодорхойлно гэж байна. Зөвлөлдөх зөвлөлийн бүрэлдэхүүн болохгүй байна. Монголын нийгмийн асуудлыг ярих гэж байхад яагаад эмэгтэйчүүдийн төлөөлөл байхгүй байгаа юм. Эмэгтэйчүүдийн квотыг хангаагүй байгаад үнэхээр харамсаж байна.
Монголын хүн амын 51 хувийг бүрдүүлдэг эмэгтэй хүнгүйгээр яаж нийгмийн асуудлыг гаргаж ирэх гэж байгаа юм бэ. Хөгжлийн бэрхшээлтэй хүмүүсийн төлөөлөл, эмзэг бүлгийн төлөөлөл, залуучуудын төлөөллийг заавал оруулах ёстой" гэлээ.
Харин МАН-ын бүлгийн дарга Д.Тогтохсүрэн "Энэ 11 хүн ямар ч эрх мэдэлгүй. Эмэгтэй хүмүүс материалаа дутуу ирүүлсэн. Эсвэл улстөрийн намын дарга байсан" гэлээ.
ҮЗЭХ:
