Өнгөрсөн ням гаргаас нүүрсний асуудалтай холбогдуулан төв талбай дээр иргэд жагсаал зохион байгуулаад байсан билээ. Тэгвэл өнөөдөр Монгол Улсын Ерөнхий сайд Л.Оюун-Эрдэнэ цаг үеийн асуудалтай холбоотойгоор мэдээлэл хийж, өөрийн байр сууриа илэрхийлээд буй.
Харин Монгол Улсын Ерөнхийлөгч өөрийн цахим хуудаснаа, “Нүүрсний хэргийн асуудлаар Монгол Улсын Их Хурал дээр нээлттэй сонсгол хийж ард түмэнд ил тод мэдээлэх нь зүйтэй. Нөхцөл байдалд бодитой дүгнэлт хийж хатуу чанд хуулийн хариуцлага тооцох ёстой” гэжээ.
