Олон улсын сэтгүүлчдийн байгууллагын шийдвэрээр 1958 оноос хойш жил бүрийн есдүгээр сарын 8-ныг "Олон улсын сэтгүүлчдийн эв санааны нэгдлийн өдөр" хэмээн тэмдэглэж иржээ.
1943 оны есдүгээр сарын 8-нд Берлинд фашистуудад цаазлуулсан Чехословакийн сэтгүүлч Юлиус Фучикийг гэгээн дурсгалыг хүндэтгэн энэ өдрийг сонгосон түүхтэй. Тэрээр шоронд хоригдож байхдаа гаргасан “Хүзүүндээ оосортой бичсэн сурвалжлаг” номынх нь төлөө 1950 онд түүнд Олон улсын энх тайвны шагнал нэхэн олгож байв. Эл ном дэлхийн 70 хэлээр орчуулагдан гарсан юм.
Олон улсын “Committee to Protect Journalists” төрийн бус байгууллагын мэдээллээр, 2021 онд 28 сэтгүүлч бусдын гарт амиа алджээ. Тэдний 22 нь мэргэжлийн үйл ажиллагааныхаа төлөө алуулж, дөрвөн нь мөргөлдөөний газраас сурвалжлаг хийх үед, хоёр нь жагсаал цуглаан сурвалжилж байхдаа амиа алджээ. 2021 оны арванхоёрдугаар сарын 1-ний байдлаар, 293 сэтгүүлч шоронд хоригдож байгаа" гэсэн тоон судалгааг гаргажээ.
