БШУ-ы сайдын тушаалаар Худалдаа, үйлдвэрлэлийн их сургуулийг МУИС-ийн харьяанд нэгтгэх шийдвэр гаргасан билээ.
Тэгвэл Худалдаа, үйлдвэрлэлийн их сургууль эл шийдвэрийг эсэргүүцэж, БШУЯ-ыг шүүхэд өгч буйгаа мэдэгдлээ. Тодруулбал, тус сургуулийн захирал, профессор М.Должин "Энэ шийдвэр биднийг маш их цочирдуулсан. Манай байгууллагаас БШУЯ-ыг шийдвэрээ албан ёсоор танилцуулахыг хүссэн ч одоо хүртэл уулзаж чадаагүй байна. Эрх зүйн хувьд энэ шийдвэр нь бодит байдалтай нийцэхгүй байгаа тул баримтын зөрчилтэй гэж үзэж байна. Иймд сургуулийнхаа нэр хүндийг хамгаалахаар шүүхэд хандана" гэлээ.
