БНСУ-д хөдөлмөрийн гэрээгээр ажиллаж байгаад визийн хүчинтэй хугацаандаа нутаг буцаж ирсэн, дахин хөдөлмөрийн гэрээгээр ажиллах хүсэлтэй иргэдийн бүртгэлд хамрагдсан иргэдийн тусгай шалгалтын тов гарлаа.
Шалгалт 2022 оны есдүгээр сарын 26-ны өдөр Хөдөлмөр, халамжийн үйлчилгээний ерөнхий газрын хоёрдугаар давхрын шалгалтын танхимд явагдах юм байна. Тусгай шалгалт өгөх иргэдэд дараах зүйлсийг анхааруулж байна. Үүнд,
- Шалгалт өгөх өдөр гадаад паспорт эсвэл иргэний үнэмлэх,
- ТҮЦ машинаас авсан цахим үнэмлэхийн лавлагааг эх хувиар нь авч ирнэ,
- Бичиг баримт авч ирээгүй тохиолдолд шалгалтад оруулахгүй,
- Шалгалт 10.00 цагт эхлэх бөгөөд хэрэв шалгалтаас хоцорсон тохиолдолд нөхөж өгөх боломжгүй
Тусгай шалгалтад тэнцсэн иргэдийн нэрcийг 2022 оны аравдугаар сарын 20-нд зарлах аж.
