Үндэсний их баяр наадмын тухай шинэчлэн найруулсан хууль, Засгийн газрын тогтоолоор баталсан хурдан морины бүсийн уралдааны хуваарийн талаар Монголын морин спорт уяачдын холбооноос өнөөдөр /2022.07.21/ мэдээлэл хийлээ.
Энэ үеэр Монголын морин спорт, уяачдын холбооны гишүүн Б.Золбоо "Өвөрхангай аймгийн баяр наадмыг долдугаар сарын 25-27 /2022.07.25-27/-ны өдөр, Баянхонгор, Хөвсгөл, Дорноговь, Дундговь, Өмнөговь, Сүхбаатар аймгийн баяр наадмыг долдугаар сар 29-31 /2022.07.29-31/-ний өдөр зохион байгуулахаар тогтоож өгсөн.
- Баруун бүсийн уралдаан долдугаар сарын 29-31-ний өдөр Ховд аймагт
- Хангайн бүсийн уралдааныг долдугаар сарын 29-31-ний хооронд Хөвсгөл, Өвөрхангай, Баянхонгор аймагт
- Төвийн бүсийн уралдаан долдугаар сарын 29-31-нд нийслэлийн Налайх дүүрэгт,
- Говийн бүсийн уралдаан долдугаар сарын 29-31-нд Дундговь аймагт
- Зүүн бүсийн уралдаан долдугаар сарын 29-31-нд Сүхбаатар аймагт
- "Их хурд-9" уралдаан долдугаар сарын 22-24-нд Хэнтий аймагт болно.
Монголын морин спорт, уяачдын холбоо уралдаанч хүүхдийн асуудал дээр анхаарал хандуулж ажиллаж байна. "Их хурд-9" уралдаанд түрүүлсэн морийг унасан хүүхэд нэг өрөө байраар шагнана. Түрүүлсэн морины эзнийг гурван өрөө байраар шагнахаар шийдвэрлэсэн гэж мэдэгдлээ.
