Төв аймаг, Заамар сум, Туул голд нэг хүүхэд осолдсон тухай дуудлагыг зургадугаар сарын 26-ны 16:40 цагт Онцгой байдлын газарт ирүүлжээ.
Тус аймгийн Онцгой байдлын газрын Эрэн хайх, аврах салбар, Заамар сум дахь сум дундын Цагдаагийн хэлтсийн алба хаагчид, ар гэрийнхний хамт иргэн Х/8 настай, эрэгтэй/-г тус өдрийн 17:43 цагаас эхлэн зургадугаар сарын 28-ны өдрийн 01:11 цаг хүртэл эрэн хайх ажиллагааг зохион байгуулсан боловч үр дүнд хүрээгүй байна. Эрлийн ажиллагааг 28-ны өдрийн 05:54 цагт дахин эхлүүлсэн хэмээн ОБЕГ мэдээлэв.