Дэлхийн алдарт од, дуучин Жастин Бибер “нүүрний саажилт” өвчинтэй болсон талаараа мэдээлжээ. Энэ өвчин нь хүний чихний ойролцоох нүүрний мэдрэлийн системд нөлөөлдөг аж.
Жастин Бибер тус өвчний талаар хийсэн Инстаграм хуудастаа мэдээлэлд хийхдээ, “Миний нэг нүд анивчихгүй байгааг та нар харж байгаа байх. Нүүрний энэ хэсгээрээ би инээж чадахгүй байгаа. Энэ нь миний нүүрний нэг тал бүрэн саажсан гэсэн үг. Энэ бол ноцтой асуудал. Миний бие махбод намайг амрах хэрэгтэй болсныг хэлж байна. Залуус та нарыг ойлгоно гэдэгт найдаж байна” гэжээ. Учир нь тэрээр АНУ-ын нийслэл Вашингтон, Нью-Йорк, Лос-Анжелес хотуудад тоглох төлөвлөгөөтэй байжээ.
