Сангийн сайд Ч.Хүрэлбаатар Увс аймагт томилолтоор ажиллаж яваад гэнэт биеийн байдал нь муудаж яаралтай хагалгаанд орсон гэх мэдээллийг бид өмнө нь хүргэсэн.
Эх сурвалжуудын мэдээлж буйгаар түүний ходоодны шарх хүндэрч цусаар бөөлжсөн гэсэн юм. Ингээд Увс аймагт яаралтай хагалгаанд оржээ. Одоо түүний биеийн байдал тогтворжиж, сайжирсан байна.
Тэрбээр Засгийн газрын энэ долоо хоногийн хуралдаанд оролцоогүй. Энэ үед түүнийг хөдөө орон нутагт томилолттой яваа гэх мэдээлэл гарсан нь хагалгаанд орох үетэй нь давхацсан байна.
