Гуравдугаар сарын 21-ээс 22-нд шилжих шөнө Увс аймгийн Улаангом суманд Өвөрхангай аймгаас ирсэн иргэдийн дундаас нэг хүний түргэвчилсэн оношлуурын шинжилгээ эерэг гарчээ. Улмаар тус иргэн болон ойрын хавьтлуудыг тусгаарлаж, PCR шинжилгээг Ховд аймаг руу явуулсан байна. Аймгийн онцгой комисс хариу арга хэмжээг авч ажиллаж байгаа талаар Увс аймгийн Засаг даргын тамгын газраас мэдээллээ.
