Баянгол дүүргийн 20 дугаар хороо 5 шарын “Акума” төвийн хажууд шатахуун асгарсан дуудлага өнөөдөр нийслэлийн Онцгой байдлын газарт 09:19 цагт иржээ. Дуудлагын дагуу тус дүүргийн Онцгой байдлын хэлтэсийн Гал түймэр унтраах, аврах 18 дугаар ангийн алба хаагчид ажиллан, саармагжуулах ажлыг зохион байгуулж байна.
Шатахуун нь 100 метрийн зайд асгарсан бөгөөд шалтгаан нөхцөлийг нь тодруулахаар мэргэжлийн байгууллагын ажиллаж байгаа аж.
