УОК: Халдвар авсан таван аймгийн иргэдийг арванхоёрдугаар сарын 7-с хотоос гаргана

Улаанбаатараас иргэдийг орон нутаг руу тээвэрлэх хуваарь

Нийслэл хотод гацсан 80 мянга гаруй иргэн орон нутаг руугаа буцах хүсэлтээ бүртгүүлээд байна.

Өнөөдөр УОК-ийн мэдээллийн үеэр Зам, тээврийн хөгжлийн яамны төрийн нарийн бичгийн дарга С.Батболд “Иргэдийн шилжилт хөдөлгөөнийг ирэх сарын 1-10-нд зохион байгуулах юм. Иргэдийг хувийн тээврийн хэрэгслээр болон нийтийн тээврийн хэрэгслээр зорчуулна. "Нийтийн тээврийн хэрэгслээр зорчиход тасалбарын үнэд өөрчлөлт орохгүй. Хэдийгээр шинжилгээ өгөөд сөрөг гарсан иргэдийг зорчуулж байгаа ч халуурах зэрэг ямар нэг шинж тэмдэг илэрвэл тусгаарлах хэсгийг ч бэлдсэн байгаа. Нийтийн тээврийн хэрэгслийн суудлыг 70-75 хувийн дүүргэлттэй байхаар зохион байгуулна" хэмээн мэдэгдсэн юм.

Хот, хөдөөд хөл хорионы улмаас гацсан иргэдийг хэрхэн зорчуулах талаар УОК-иос мэдээлэл хийж байна.

Засгийн газрын Хэвлэл мэдээллийн албаны дарга Ц.Ганзориг "Орон нутаг руу буцах, орон нутгаас нийслэлд ирэх иргэдийг буцаах журмыг бэлэн болгоод байна. Энэ ажлыг арванхоёрдугаар сарын 1-10-ны хооронд зохион байгуулах гэж байна.

УОК-оос орон нутагт болон Улаанбаатарт гацсан иргэдийн тоог 27 орчим мянга гэж мэдээлж байсан бол өчигдөр оройны байдлаар 85 мянган иргэн орон нутаг руу оршин суух хаяг руугаа явах хүсэлтээ ирүүлээд байна. Эдгээр иргэдийн 80 орчим хувь нь нийтийн тээврээр, 20 хувь нь хувийн унаагаар, цөөн хэсэг нь онгоцоор явъя гэж байна" хэмээн мэдээллээ.