СЭРЭМЖЛҮҮЛЭГ: Мотоциклын ослоор таван сарын хугацаанд 41 хүн амиа алджээ

СЭРЭМЖЛҮҮЛЭГ: Мотоциклын ослоор таван сарын хугацаанд 41 хүн амиа алджээ

2020 оны эхний 5 сарын байдлаар Мотоциклын ослын улмаас 41 хүний амь нас хохирсон байна. Үүнээс орон нутагт 39, нийслэлд 2 хүний амь нас хохирсон зам тээврийн осол бүртгэгдсэн байна.

Мотоциклын жолооч нар замын хөдөлгөөнд оролцох үедээ ихэвчлэн хамгаалалтын малгай хэрэглэдэггүй, тээврийн хэрэгслийн бүрэн бүтэн байдлыг хангаагүй, согтууруулах ундааны зүйл хэрэглэсэн, хурд хэтрүүлсэний улмаас осолд өртөж амь нас, эрүүл мэндээрээ хохирч байна.  Иймд замын хөдөлгөөнд оролцогч та бүхэн өөрийн болон бусдын аюулгүй байдлыг хангаж, хөдөлгөөндөө анхаарал болгоомжтой оролцохыг Тээврийн Цагдаагийн Албанаас сэрэмжлүүлж байна.