АНУ Беларусь улсын эсрэг тавьсан зарим хориг арга хэмжээг цуцлахаар тохиролцсоны дараа Беларусь 123 улс төрийн хоригдлыг суллалаа. Суллагдсан хүмүүсийн дунд сөрөг хүчний нэрт төлөөлөгч Мария Колесникова, Нобелийн энхтайвны шагналт Алес Беляцкий нар багтжээ.
Энэхүү тохиролцооны хүрээнд АНУ Беларусь улсын стратегийн чухал экспорт болох калийн бордооны хоригийг цуцлахаар болсон байна. АНУ-ын тусгай элч Жон Коале Минск хотод хэлэлцээ хийж, цаашид харилцаа хэвийн болохын хэрээр илүү олон хориг цуцлагдана гэдгийг мэдэгдэв. Суллагдсан хоригдлуудыг эхлээд Украинд шилжүүлж, эмнэлгийн тусламж үзүүлсний дараа Польш, Литва руу тээвэрлэхээр төлөвлөжээ. Беларусийн сөрөг хүчний удирдагч Светлана Тихановская хориг арга хэмжээ нь дарангуйлагчдыг буулт хийхэд хүргэх чухал хөшүүрэг хэвээр байгааг онцолсон байна.
Эх сурвалж: BBC
