Арктик, Антарктидийн шинжлэх ухаан судалгааны хүрээлэнгийн мэдээлснээр, "дэлхийн хамгийн том мөсөн уул болох A23a сүүлийн гурван сарын хугацаанд нийт талбайнхаа 36 хувийг алджээ. Үүний зэрэгцээ мөсөн уулнаас тус бүр нь 60-аас 300 км² хэмжээтэй гурван томоохон хэсэг нэгэн зэрэг тасран унасан байна.
Мэргэжилтнүүдийн тооцоолсноор, 2024 оны зургадугаар сарын эхээр A23a мөсөн уулын талбай 2730 км² байсан нь ОХУ-ын нийслэл Москва хотын хэмжээтэй ойролцоо байжж. Харин одоо үлдсэн талбай нь 1750 км² болж, Оросын Санкт-Петербург хотын талбайтай тэнцэж байгаа аж. A23a мөсөн уул анх 1986 онд шельфийн мөсөн дээрээс тасарч, тухайн үедээ 4170 км² хэмжээтэй байсан аж. Тэр мөчөөс хойш 30 гаруй жил эргийн ойролцоо гацсан байсан ч 2023 онд хөдөлж, далайд чөлөөтэй хөвж эхэлжээ.
