БНСУ-ын Тусгай прокурорын газраас гадаад валютын гэх хэрэгт мөрдөн байцаалтын ажиллагааг эрчимжүүлж байгаа бөгөөд тэр дундаа өнгөрсөн оны арваннэгдүгээр сарын сүүлээр буюу дайны байдал зарлахын өмнөхөн Монгол Улсад Батлан хамгаалахын тагнуулын командлалын ажилтан нэмэлт айлчлал хийсэн гэх хэрэгт нэмэлт нотлох баримтыг цуглуулж байгаа талаар тус улсын “Сөүл сонин” мэдээлсэн байна.
Уг хэргийг тодруулбал, БНСУ-ын Ерөнхийлөгч асан Юн Сок Ёол болон бусад хүмүүс Монголоор дамжуулан Хойд Солонгостой тохиролцож, дайны байдал зарлах үндэслэл бий болгохыг завдсан гэх үндэслэлээр шалгаж байгаа юм. Тэгвэл өчигдөр /2025.08.27/ гаргасан тайланд дурдсанаар өнгөрсөн оны арваннэгдүгээр сарын сүүлээр гурван тагнуулын ажилтан Монгол Улсын нийслэл Улаанбаатарт нэмэлт айлчлал хийсэн болохыг тусгай прокурорын газар нотолсон байна.
Тодруулбал, ил болсон мэдээллээр дайны онц байдал зарлахаас 10 хоногийн өмнө БНСУ-ын хоёр тагнуулын ажилтан Монголд очиж, тухайн сард орон нутгийн тагнуулын алба баривчилсан гэж мэдээлж байсан бол дайны байдал зарлахаас долоо хоногийн өмнө дахин гурван тагнуулын ажилтан Монголд айлчилсан гэх нэмэлт мэдээллийг шинээр илрүүлжээ. Өөрөөр хэлбэл хоёр төлөөлөгчийг байлдааны байдал зарлахаас арав хоногийн өмнө илгээсэн боловч газар дээрээ баригдсан бол дайны байдал зарлахаас долоо хоногийн өмнө буюу ердөө 3-4 хоногийн дараа хоёр дахь айлчлалыг хийсэн байна.
Ийнхүү дайны байдал зарлахаас өмнө нэг бүс нутаг руу тагнуулын ажилтнуудыг удаа дараа илгээсэн нь БНАСАУ-ын Монгол дахь Элчин сайдын яамтай орон нутгийн агентуудаар дамжуулан холбоо тогтоох зорилготой байсан гэж сэжиглэж байна.
Тагнуулын хоёр ажилтан Хойд Солонгосоос Улаанбаатар дахь Элчин сайдын яамтай холбогдож, Умард Солонгостой тохиролцохыг завдсан гэх мэдээлэл энэ оны эхээр анх гарч байсан. Тухайн үед БНСУ-ын Үндэсний батлан хамгаалах яам энэ мэдээллийг үгүйсгэсэн юм. Тус яамнаас "Монголд хийсэн айлчлал нь ердийн журмын дагуу явагдсан албан ёсны гадаад үйл ажиллагаа байсан бөгөөд дайны байдал, Хойд Солонгосын эсрэг ажиллагаатай огт холбоогүй" гэж тайлбарлаж байв. Уг мэдээллийг ЭНД ДАРЖ уншина уу. Улмаар дээрх мэдээлэл ил болсон тул хэргийн мөрдөн шалгалтыг хурдасгаж, Монгол Улсаар дамжин Хойд Солонгосын Элчин сайдын яамтай холбогдсон нь тогтоогдвол “гадаадын улс, гадаадын иргэдтэй тохиролцсон” байж болзошгүй үндэслэлээр яллах аж.
Эх сурвалж: Сөүл сонин
.jpg)
