Хөлбөмбөгийн дэлхийн аварга шалгаруулах тэмцээн үргэлжилж байна.
Тэмцээний шөвгийн 32-ын тоглолтод Аргентины шигшээ баг Кабо Вердетэй хүч сорьж, нэмэлт цагийн драматик тулааны эцэст 3:2-ын харьцаатай ялалт байгуулан шөвгийн 16-д шалгарлаа. ДАШТ-ий гол фаворитуудын нэгээр нэрлэгдэж буй Аргентин тоглолтыг итгэлтэй эхлүүлж, 29 дэх минутад Лионель Месси гоолдсоноор тэргүүллийг авсан юм. Гэвч ДАШТ-д анх удаа оролцож буй Кабо Верде бууж өгөлгүй тэмцэж, хоёр удаа тооны харьцааг тэнцүүлснээр тоглолтыг тун өрсөлдөөнтэй болгож чадлаа. Үндсэн 90 минут 2:2-оор өндөрлөсний дараа багууд нэмэлт цагт өрсөлдсөн бөгөөд шийдвэрлэх мөч 111 дэх минутад тохиов. Кабо Вердегийн хамгаалагч Диней Боржес бөмбөгийг өөрийн хаалгандаа оруулснаар Аргентин 3:2-оор ялалт байгуулж, дараагийн шатанд шалгарах эрхээ авлаа.
Энэхүү тоглолтоор Лионель Месси Дэлхийн аваргын финалын шатанд оруулсан гоолын тоогоо ахиулж, багийнхаа довтолгоог дахин тэргүүлсэн бол Кабо Верде дэлхийн аваргуудтай эн тэнцүү өрсөлдөж чадсан тоглолтоороо хөгжөөн дэмжигчид болон шинжээчдийн талархлыг хүлээлээ. Аргентин шөвгийн 16-д Египетийн шигшээ багтай учраа таарах бол Кабо Вердегийн хувьд түүхэн анхны ДАШТ-ээ өндөрлүүлсэн ч тэмцээний хамгийн тод гэнэтийн бэлэгтэй багуудын нэг болж үлдэв.
.jpg)
.jpg)
.jpg)
