БНХАУ-ын Чиндао хотод жүдо бөхийн “Гран при” тэмцээн үргэлжилж байна. Тус тэмцээний эрэгтэйчүүдийн 66 кг-ын жинд Монгол Улсын гавьяат тамирчин Ё.Басхүү, эмэгтэйчүүдийн 57 кг-ын жинд Олон улсын хэмжээний мастер О.Оюунчимэг нар хүрэл медалийн төлөө барилдахаар шалгарлаа.
Эмэгтэйчүүдийн 57 кг-ын жинд барилдсан О.Оюунчимэг хэсгийн аваргын төлөө Францын Марта Фавазад ялагдсан ч дагах барилдаанд Израилийн Тимна Нелсон Левяг ялснаар хүрэл медалийн төлөө барилдах эрхтэй болсон. Тэрбээр хүрэл медалийн төлөө Японы Момо Тамаокитой хүч үзнэ.
Харин эрэгтэйчүүдийн 66 кг-ын жинд барилдсан Ё.Басхүү хэсгийн аваргын төлөө олимп, дэлхийн аварга Японы Абэ Хифүмид ялагдсан. Улмаар дагах барилдаанд Узбекистаны Аббурахим Нутфуллоевыг буулган авч, хүрэл медалийн төлөө Бразилын Роналд Лиматай барилдахаар боллоо.
.jpg)
