ОХУ-ын Ерөнхийлөгч В.Путины зарилгаар БНАСАУ /Хойд Солонгос/-ын удирдагч Ким Жөн Уныг “Эх орны дайны ялалтыг 75 жил”-ийн ойн медалиар шагнажээ. Умард Солонгост суугаа ОХУ-ын Элчин сайд тус шагналыг Пхеньян хотноо болсон арга хэмжээний үеэр БНАСАУ-ын гадаад хэргийн сайд Ли Со Гвонд гардуулсан байна.
ОХУ-ын элчин сайд энэ үеэр “ОХУ-ын төрийн тэргүүн БНАСАУ-ын удирдагч Ким Жөн Уныг 1945 онд амь үрэгдсэн Зөвлөлтийн цэргүүдийн дурсгалыг мөнхжүүлэхэд том хувь нэмэр оруулсны төлөө уг шагналыг олгож байгаа” хэмээн онцолжээ.
