Шадар сайд Ө.Энхтүвшинөөр ахлуулсан Улсын Онцгой Комиссын ээлжит хурал өнөөдөр 16:00 цагаас хуралдахаар товлогдсон байна. Өнөөдрийн хурлаар сургалтын төвүүдийн үйл ажиллагааг нээх эсэх асуудлыг хэлэлцэх аж.
Мөн бусад цаг үеийн асуудлуудаар хэлэлцэнэ гэж эх сурвалж мэдээллээ. УОК-ын шийдвэрээр тусгай үүргийн гурван нислэгээр дөрөвдүгээр сарын 30-наас тавдугаар сарын 2-ны хооронд 800 гаруй иргэн эх орондоо ирээд байна. Эдгээр иргэний хоёроос нь шинэ коронавирусийн халдвар илэрч Монгол Улсад бүртгэгдсэн халдварын тохиолдол 40 болоод байгааг ХӨСҮТ мэдээлсэн.
