Энэ оны 3x3 сагсан бөмбөгийн дэлхийн аварга шалгаруулах тэмцээн зургаадугаар сарын 1-7-ны хооронд Польшийн нийслэл Варшав хотод маргаашаас зохион байгуулагдана.
Эрэгтэй, эмэгтэй тус бүр 20 улсын баг өрсөлдөж байгаа тус ДАШТ-ий эрэгтэйчүүдийн “В хэсэг”-т Монголын шигшээ АНУ, Латви, Чех, талбайн эзэн Польшийн багуудтай нэг хэсэгт багтжээ. Монгол Улсын 3х3 сагсан бөмбөгийн эрэгтэй шигшээ баг хэсгийн шатны эхний хоёр тоглолтоо зургаадугаар сарын 2-ний 23.55 цагаас Чех, зургаадугаар сарын 3-нд 01.45 цагаас Польшийн эсрэг хийх хуваарьтай байна.
Харин эмэгтэйчүүдийн “В хэсэг”-т Монголын шигшээ Испани, АНУ, Унгар, Австралийн багуудтай хүч үзнэ. Хэсгийн шатны эхний хоёр тоглолтоо зургаадугаар сарын 3-нд 00:30 цагаас Австрали, 02:20 цагаас Испани улсын шигшээ багийн эсрэг хийх хуваарьтай байна.
