Олон улсын хүүхдийн эрхийг хамгаалах өдрийг тохиолдуулан Монгол бөхийн өргөөнд “Ирээдүйн аваргууд” өсвөр үеийн үндэсний бөхийн аварга шалгаруулах барилдаан гурав дахь жилдээ өнөөдөр өглөө 09:00 цагт зохион байгуулагдана. Энэхүү арга хэмжээ нь өсвөр үеийн тамирчдыг дэмжих, үндэсний спортын уламжлалыг түгээн дэлгэрүүлэх, хүүхэд багачуудыг спортоор хичээллэх, эрүүл амьдралын хэв маягийг төлөвшүүлэхэд чиглэжээ.
