Өнөөдөр Эрүүл мэндийн яамнаас коронавирусийн цартахлын нөхцөл байдалтай холбоотой ээлжит мэдээллээ хийж байна.
Энэ үеэр ХӨСҮТ-ийн захирал Д.Нямхүү " Дөрөвдүгээр сарын 29-нд манай улсын хэмжээнд сэжигтэй тохиолдол илрээгүй. ХӨСҮТ-ийн хоёр, Дарханы нэг лабараторид нийт 163 хүнд шинжилгээ хийхэд коронавирус илрээгүй. Үүнд тандалтын зорилгоор санамсаргүй түүврийн байдлаар хүмүүсийн сорьцод хийсэн шинжилгээ багтаж байна.
Мөн ХӨСҮТ-д өнөөдрийн байдлаар 73 хүн байна. Тусгай үүргийн онгоцоор ирэх иргэддээ зориулж 150 ор бэлдсэн байгаа.
ОХУ-аас ирсэн оюутнууд 20 хонолоо. Тэдгээр оюутнуудад 3-4 удаагийн давтан шинжилгээ хийсэн. Үлдсэн оюутнуудад коронавирус илрээгүй. Аюул нь ингээд өнгөрч байх шиг байна" гэв.
