Жүдо бөхийн ААШТ өнөөдөр /2026.04.16/ эхэлж, эхний өдрийн барилдаанууд амжилттай болж өндөрлөлөө. Энэ өдөр эрэгтэйчүүдийн 60, 66 кг, эмэгтэйчүүдийн 48, 52 кг-ын жингүүдийн хэсгийн барилдаан явагдсан байна.
Монгол Улсаас нийт таван жүдоч дэвжээнд гарснаас эмэгтэйчүүдийн 48 кг-ын жинд Ж.Анударь, 52 кг-ын жинд М.Нандин-Эрдэнэ нар финалд шалгарч, аваргын алтан медалийн төлөө барилдахаар үлдээд байна. Харин эрэгтэйчүүдийн 60 кг-ын жинд ОУХМ Т.Түмэнжаргал хүрэл медалийн төлөө барилдахаар болсон нь эхний өдрийн онцлох амжилтуудын нэг байлаа. Медалийн төлөөх барилдаанууд өнөөдөр 16:00 цагаас эхлэх хуваарьтай байна. Энэ удаагийн Азийн аваргад Монгол Улсаас Үндэсний шигшээ багийн дасгалжуулагч П.Нямлхагва, Ч.Болдбаатар, Г.Болдбаатар, Н.Дагвасүрэн нарын удирдлага дор МУГТ Л.Энхрийлэн тэргүүтэй 18 тамирчин оролцож байна.
