Олон нийтийн мэдээллийн сүлжээгээр “дөрвөн настай хүүхэд үхэрт явж байгаад мориноос унаж амиа алдсан” гэх мэдээлэл тархаад буй. Уг мэдээллийг албаны эх сурвалжаас тодруулахад энэ хэрэг /2026.04.11/ бямба гарагт Завхан аймгийн Баянхайрхан суманд гарсан болох нь тогтоогджээ.
Тодруулбал, тус сумын Төөнт багийн малчин Ж-ийн дөрвөн настай хүү үхэрт явж байхдаа мориноос унаж, улмаар амиа алдсан байна. Хүү нь айлын дөрвөн хүүхдийн хоёр дахь нь байсан бөгөөд хэргийг холбогдох байгууллагууд шалгаж байна.
