Сүүлийн үед KFC, PIZZA HUT сүлжээ хоолны газрын нэрийг барьж залилан мэхлэх гэмт хэрэг ихээр гарч байна.
Тодруулбал, зөвхөн өнгөрсөн долоо хоногт гэхэд 252 сая төгрөгийг хохиролтой 71 гомдол мэдээлэл цагдаагийн байгууллагад бүртгэгджээ. Энэхүү гэмт хэрэг нь хуурамч зар мэдээлэл байршуулан захиалга авч, төлбөр төлөх хэрэгслээр дамжуулан иргэдийн хувийн мэдээллийг авч, интернет банк руу нь нэвтрэн дансан дахь мөнгийг нь авах замаар үйлдэгдэж байна. Иймд иргэд та бүхнийг хуурамч мэдээлэл, баталгаагүй линк дээр дарж орохгүй байхыг цагдаагийн байгууллагаас анхаарууллаа.
