БНХАУ ирэх долоо хоногт болох улс төрийн хамгийн том арга хэмжээ болох “Хоёр чуулган”-ы өмнө 19 албан тушаалтныг, тэдний дотор есөн цэргийн өндөр албан тушаалтныг хууль тогтоогчдын бүрэлдэхүүнээс хаслаа.
Энэхүү шийдвэрийг Хятадын хууль тогтоох дээд байгууллага болох "National People's Congress"-ийн Байнгын хороо зарласан бөгөөд албан ёсны шалтгааныг тайлбарлаагүй байна. Төрийн хэвлэлүүдийн мэдээлснээр, чөлөөлөгдсөн хүмүүсийн дунд Хятадын Ардын Чөлөөлөх Армийн хуурай замын цэргийн командлагч Ли Чяомин, Тэнгисийн цэргийн хүчний экс командлагч Шэнь Жиньлун нар багтжээ. Мөн Өвөр Монголын намын хорооны даргаар ажиллаж байсан Сунь Шаочонг зэрэг орон нутгийн удирдлагууд нэрсийн жагсаалтад орсон байна.
Энэ нь БНХАУ-ын дарга Ши Жиньпиний эхлүүлсэн авлигатай тэмцэх бодлогын хүрээнд хийгдэж буй ээлжит цэвэрлэгээний нэг гэж ажиглагчид үзэж байна. Ши Жиньпин 2013 онд засгийн эрхэнд гарснаасаа хойш авлигатай тэмцэхийг төрийн бодлогын гол чиглэл болгож, өндөр болон доод түвшний албан тушаалтнуудыг хамарсан “бар, ялаа”-гийн кампанит ажлыг өрнүүлсэн юм. Тэрбээр авлигыг Коммунист намд учирч буй хамгийн том аюул хэмээн тодорхойлж ирсэн гэж үздэг байна. Харин зарим шүүмжлэгчидийн хувьд уг ажиллагааг улс төрийн өрсөлдөгчдөө зайлуулах хэрэгсэл байж болзошгүй хэмээн мэдээлж байгаа юм.
“Хоёр чуулган” гэдэг нь Хятадын парламент болох "National People's Congress" болон улс төрийн зөвлөлдөх дээд байгууллага болох "Chinese People's Political Consultative Conference"-ийн жил тутмын хуралдааныг хамтад нь нэрлэдэг ойлголт юм. Энэхүү хурлууд гуравдугаар сарын 4–11-ний өдрүүдэд Бээжин хотноо болж, тухайн жилийн эдийн засгийн зорилт, төсөв, бодлогын чиглэл, таван жилийн төлөвлөгөө зэрэг чухал асуудлыг хэлэлцдэг.
Эх сурвалж: BBC
