БНСУ-ын алдарт жүжигчин Ли Сүн-жэ өнөөдөр /2025.11.25/ 91 насандаа таалал төгссөн талаар түүний гэр бүлийнхэн мэдээлжээ.
Тэрээр 1934 онд одоогийн Умард Солонгосын Хоэрёнд төрсөн бөгөөд 4 настайдаа Солонгост нүүж ирээд, 1950-1953 оны дайнаас өмнө Сөүлд өсчээ. Тэр Сөүл хотын үндэсний их сургуульд суралцаж байхдаа жүжигчний гараагаа эхлүүлж, 1956 онд “Хоризонтын цаана” жүжгээр тайзнаа анх гарсан аж.
Үүнээс хойш тэрээр тайз, телевиз, киноны олон зуун дүрээрээ БНСУ-ын урлагийн хамгийн алдартай жүжигчдийн нэг болж, үе үеийн үзэгчдийн хайр хүндэтгэлийг хүлээсээр иржээ. Тодруулбал, тэрээр 1991 онд MBC телевизийн “What on Earth is Love” цувралд аавын дүрийг бүтээснээр олонд өргөн танигдсан бөгөөд үүнээс олсон нэр хүнд нь түүнд улс төрд хөл тавих боломж олгосон байна. Тэрээр 1992 онд ардчилсан Либерал намын нэрийн өмнөөс парламентын гишүүнээр сонгогдсон ч улс төрд байх хугацаандаа ч уран бүтээлээ үргэлжлүүлж байжээ.
