Английн рок хөгжимчин, дуучин, ая зохиогч домогт “Beatles” хамтлагийн үүсгэн байгуулагч Жон Леннонийн бага хүү Шон Оно Леннон Монголд 10 гаруй хоног аялжээ.
Тэрбээр, Монгол дахь аяллынхаа фото зургуудыг инстаграм хаягтаа нийтэлсэн нь олон нийтийн анхаарлыг татаж байна. Шон Оно Леннон болон түүний найз бүсгүй Дундговь аймгийн нутагт байрлах Цагаан суварга, Өмнөговь аймгийн нутагт байрлах Ёлын амыг үзэж сонирхсон байна. Тэрбээр Монголд аялахдаа өөрийн цахим хуудасуудаар дамжуулан Монголын шашин, мал аж ахуй, урлаг соёл зэргийг харуулсан зургийн цомгийг өдөр тус бүрд нь нийтэлсэн байна.
