Монгол эсгий урлалын баяр өнөөдөр /2025.07.22/ Хужирт сумын Шавар түрүүний ам хэмээх газарт болж байна.
Энэ үеэр хонь хяргах, ноос савах, савсан ноосоо алгадах, услах, хуйлах, мялаах, мориор татах зэрэг эсгий хийх үйл явцыг сурталчлан таниулахаас гадна ноос савах, сүү хөөрүүлэх, хөхүүрийн айраг бүлэх, тогоо нэрэх нүүдэлчин ахуйн соёлыг сурталчилж, үндэсний сайхан хувцастай хосыг шалгаруулна. Мөн бөхийн барилдаан, дааганы уралдаан, нүүдэлчин ардын урлагийн тоглолт болох юм. Монгол эсгий урлалын баярыг Өвөрхангай аймгийн ЗДТГ, БОАЖГ, Хужирт сумын ЗДТГ, Дэлхийн-өв, Орхон голын нүүдэлчид аялал жуулчлалын холбоо хамтран 2013 оноос тасралтгүй зохион байгуулж иржээ.
Хөтөлбөр:
10:00-10:30 Нээлтийн арга хэмжээ
-Үндэсний урлагийн тоглолт
10:30-13:30 Нүүдэлчин соёлын уламжлалт арга ухаанаар эсгий хийх уралдаан
12:30-15:00 Үндэсний бөхийн барилдаан (Сумын заан болон цолгүй залуу бөхчүүдийн барилдаан)
13:00-14:00 Хурдан дааганы уралдаан
15:00-15:30 Үндэсний сайхан хувцастай хос шалгаруулах
-Үндэсний хувцастай хүүхэд шалгаруулах
Тусгай хөтөлбөр
11:00-14:00 Нүүдэлчин өв соёл
-Сүү хөөрүүлэх
-Тогоо нэрэх
-Ааруул тавих
-Гүү саах
-Хөхүүрийн айраг бүлэх
11:00-16:00 Хужирт үзэсгэлэн худалдаа
-Сүүн чихэр, суран эдлэл, гар урлал, цэвэр ус
16:30-17:00 Хаалт /Шагнал гардуулах ёслол/
.jpg)
