Эрүүл мэндийн сайд Ж.Чинбүрэн тушаал гаргаж, Хавдар судлалын үндэсний төвийн ерөнхий захирлаар Монгол Улсын хүний гавьяат эмч Ц.Батболдыг томилжээ.
Өмнөх сайд Т.Мөнхсайхан өнгөрсөн тавдугаар сард ХСҮТ-ийн Ерөнхий захирал Н.Эрдэнэхүүг үүрэгт ажлаас нь чөлөөлж, М.Адилсайханыг захирлаар томилсон байдаг. Тэгвэл хоёр сарын дараа ХСҮТ-ийн захирлыг дахин шинээр томилж байгаа нь энэ юм. Ц.Батболд нь клиникийн профессор, эх барих эмэгтэйчүүдийн зөвлөх зэргийн эмч юм. Тэрбээр 2008-2016 онд ХСҮТ-ийн эмэгтэйчүүдийн мэс заслын тасагт эмч, 2016 оноос Амгалан амаржих газрын захирлын албан тушаалуудыг тус тус хашиж байсан юм.
